Domenica di emozioni per il Potachino da Cadine che, per passarsi l’oca, ha letto anche i giornali che ieri non aveva letto poichè chiamato da più impellenti impegni in Val di Fassa alla ricerca di un Lama andino alle prese con una famigliola tirolese (come se in Tirolo o in Sudtirolo/Alto Adige non avessero paesaggi, vette e Lama con cui emozionarsi).
Domando scusa se de domenega ve ‘ntrigo con ‘na domanda: cossa ghe faràla ‘na publicità dela val de Fassa su ‘n giornal de Trent? El struck de doi fotografie en de ‘na pagina sola l’è: “Val di Fassa: emozioni d’alta quota”.
E già lì ho scominzià a emozionarme. Parché no capita tuti i dì de veder en Lama delle Ande en val de Fassa e credo che capita ancor de men veder ‘na familia con tre bocéti vestidi da tirolesi: braghe de coram, camisota a quadri, tuti ciapàdi a vardar el Lama che so papà el ten par la caveza.
Forsi parché en Tirolo (o en Alto Adige che i lo ciama Sudtirolo) Lami no ghe n’è. El Messner l’aveva portata chi dal Tibet i Yak che i ghà i corni ma l’è n’altra razza i me fa presente quei da Roma. Comunque, che afari ghai i Lama col Buffaure dela val de Fassa?
Mistèri e mistéri de propaganda, i dis. E po’, l’altra fotografia con mama e fiola (se l’è mama e fiola) che tira ‘na bala contro i zoni su en campo da boce con drio ‘na zima. Deve esser ‘n emozion da matti.
Adess che ve seo tuti emozionadi anca voi, ghèlo en senso a far publicità ala val de Fassa su ‘n giornal trentin? Capisso i giornai de Milan, Torino, Roma che i li leze zent che magari poderìa vegnir en val de Fassa a emozionarse col Lama o coi zoni (che en talian se ciama: birilli). E son sicur che l’altro slogan: “Respira sei in Trentino” el li faga star mejo. Pu brut sarìa sta dirghe: “Tegni el fià, te sei en Trentin, che te digo ‘na robéta: chi ghè i orsi che te spèta”. Sicome no ghe n’è assà de quei veri, ale sagre de paes (sabo de sera a Grauno, per dir) ghè sempre en scultor che el lo cava for da ‘n zòc. Tant per dirghe a chi che zerca Yoghi e Bubu che, spetàndo de empazarse con quel vero, i pòl torsen en casa uno de legn.
Torno a dir: ghèlo en senso ciamar i turisti en val de Fassa con la fotografia de ‘na bèla familia de tre popi vestidi come i fussa de là dal Brennero? Mah, adess che ho ‘mpiantà la lama en del Lama, vago a polsàr. Che emozion.