Il Potachino da Cadine, illustre personaggio della commedia dell’arte (in salsa trentina) interviene nel dibattito politico-amministrativo sulle ordinanze della Provincia autonoma di Trento che vorrebbe liberarsi degli orsi problematici e ogni volta che Fugatti arma la carabina il Tar (Tribunale di Giustizia amministrativa) gli toglie l’acciarino. Perdonate il signor Potachino da Cadine perché non conosce altro linguaggio che quello, forbito, del dialetto.
De sicur l’è l’ors! No pòl eser nisuni altri l’autore dele ordinanze del Fugatti. En de ‘na ‘stimana do ordinanze e tute e doi sbagliade? Ma ve par posibile? Ma chi èlo che laora en Provincia? Me refudo de creder che sia òmeni. E alor no pol eser che……orsi.
Furbi come volp e svelti come ‘l lof, i orsi i à capì tut. La matina i se presenta en uficio en Provincia co’ la Lacoste; i tira for en soriso da “Colgate con gardòl” – che l’è en dentifricio per orsi che i fa demò en Gardol – e po’ i se mete al computer e i fa zo en braz de ordinanze: a una ghe manca le motivazion, ‘n altra la ghe n’à massa, n’altra l’èi senza titol, quel altra no la g’à el dispositivo e avanti cossì. A mezdì i smorza zo tut, perché i g’à en contrat a part-time e senza aumenti e i va en tel bosc.
I trà en l’armar la Lacoste; i se mete su el so’ pel de ordinanza e va en giro a stremir i turisti. E no l’èi miga finida. Eh no, perché ghè ‘n ors che telefona tuti i dì al TAR e ‘l ghe diss che ariva l’ordinanza del Fugatti. Quei del Tar i taca a rider che bisogna fermarli a scopeloni. Po’ finalmente ariva l’ordinanza, portada da ‘n uscier dela Provincia che l’è ‘n ors anca lu. (No me credè? Prove a domandarghe qualcoss e vederè con che cordialità che ‘l ve risponde).
E sicome le ordinanze al TAR no le deve star, che par che no i g’abia altro da laorar, i scominzia a vardar, a criticar e a compilar la lista dei erori che ‘l Fugatti el seuta a far. Po’ ven sera e anca quei del TAR i va a polsar. Doman ghè ‘n altra ordinanza da meter ensama per quei del TAR che tanto, far e desfar l’è tut en laorar: en Provincia come al TAR.
El Potachin da Caden