Giuro, se non l’avessa vist coi me oci no ghe crederia. Dopo disnar son nà a Mezlombart, en de ‘na botéga ‘n do che i te regala la roba. Ma sì, ensoma, ‘n do che te la paghi poc. E lì, sui scafài ghèra ‘na fila de bàle de Nadal.
Me son dit: “Sti chi i la gà con la Meloni e con quei che ghe sta en torno. Che en quant a bàle…”.
Jeri la s’ha ‘nventàda quela che l’an che ven no se pagherà pu la tassa sui auti. Tuti a dir: “Che brava, ela sì che la se ne intende. L’è quei de la sinistra che no i la lassa far le robe che la ne ‘m promete”.
Va a spiegarghelo ti a quei gnoranti che se no la pol tirar via le tasse l’è perché quando che ha governà i comunisti i ha lassà i conti en rosso. Che se l’era per i fascisti adess i sarìa tuti en nero.
El bel l’è che se no i ne fa pu pagar le tasse sui auti (e sule moto) la Provincia, che con quele tasse la tira dentro ‘na mucia de milioni di euri, la taierà i finanziamenti per la sanità, che già la arfia. E se la pensa che i so dirigenti i ciàpa en sac de soldi e perfin el “premio de risultato”, ala sanità ghe ven en colp. E amen
Provà voi altri che la savé longa, che magari le tasse no le avé mai pagade perché credè de esser pu furbi de noi, provà a prenotar ‘na visita. Che gnanca a pagar de scarsèla te la ciàpi. Primo: perché quei argagni che se ciama “computer” i funziona malament; secondo: perché i medizi, le infermiere e tut el rest, se i pòl i scampa. E i va a laorar ‘n do che i li paga de pu e ‘n do che l’organizazion la funziona mejo. Ben, ensoma, sui scafài dele botéghe i vende bale. Da chi a Nadàl en vederen de bele.
Saluti dal vos Potachìn da Càden